Federación Galega de Balonmán
16/05/2018 a les 10:38
Capçalera

Mañá celebrarase en Vigo o Día do Balonmán na Rúa con máis de 2.000 participantes

Mañá 17 de maio, Día das Letras Galegas, celebrarase en Vigo a  undécima edición do Día do Balonmán na Rúa, que é a festa de clausura das Escolas Deportivas da Federación Galega de Balonmán e a Deputación provincial de Pontevedra da tempada 2017/18. Na edición deste ano hai máis de 160 equipos inscritos, disputaranse  máis de 330 partidos e participarán uns 2.000 nenos e nenas das diferentes escolas deportivas e clubs da provincia. Ademais este ano as e os participantes, así como todos aqueles que se acheguen ata a zona de ocio do Balonmán na Rúa, terán a posibilidade de facerse fotos co trofeo de campión do Europeo sénior, acadado pola selección española hai uns meses en Croacia.

Durante a xornada lúdico-deportiva, que comezará ás  10:00 horas, os rapaces (de idades comprendidas entre os 8 e os 14 anos) disputaranse  máis de 330 partidos das categorías prebenxamín, benxamín, alevín mixto e infantil masculino e feminino nos 11 campos dispostos ao longo da rúa Arenal. Ao finalizar a competición (18:00 horas, aproximadamente) celebrarase o acto de clausura no que se procederá á entrega dunha medalla conmemorativa a todas e todos os xogadores participantes no Balonmán na Rúa.

O Día de Balonmán na Rúa é o broche de ouro ás Escolas Deportivas da Deputación Provincial, que se celebran entre os meses de outubro e maio. Dende hai once anos a Federación Galega de Balonmán conta co patrocinio da Deputación para a celebración destas escolas, que achegan o balonmán aos máis pequenos.

 Europeo de Croacia. Con motivo do histórico ouro logrado polos Hispanos no pasado Campionato de Europa de Croacia, a Real Federación Española de Balonmán presentou  no mes de  abril un magnífico RoadShow, que permite achegar o trofeo acadado en terras croatas a todos os afeccionados ao balonmán español.

Os nenos e nenas (e tamén maiores) poderán facerse fotos co trofeo continental, así como ocupar o lugar de Raúl Entrerríos nunha imaxe de tres metros de largo do podio, alzando o trofeo xunto a todos os xogadores e corpo técnico. Esta exposición é itinerante e xa estivo no Ejido (Campionato de Andalucía de Clubs categoría cadete) e en Madrid, coincidindo coa Copa do Rei.


 

Nom Mida Data
Veure CALENDARIO DEFINITIVO BALONMAN NA RUA 2018.pdf 1,06 MB 16/05/2018
Veure PLANO DE DISTRIBUCIÓN.pdf 163,57 KB 16/05/2018
Veure PLANO_DE_ACTIVIDAD.pdf 316,30 KB 16/05/2018
0 M'agrada · 0 Comentaris

M'agrada
Calendari
Març 2019
DillDimDmcDijDivDisDiu
    123
45678910
11121314151617
18192021222324
25262728293031
Segueix-nos

El seu navegador no ha estat capaç de carregar tots els recursos de la nostra web, és possible que hagin estat bloquejats per un firewall, un proxy, algun complement o la configuració del seu navegador.

Pot provar a prémer Ctrl + F5 o Ctrl + Shift + R per a forçar al seu navegador a intentar descarregar-los un altre cop, o si això no funciona, a utilitzar un altre navegador o contactar amb l'administrador del sistema o proveïdor d'Internet per solucionar aquest problema.